နာမည်ကြီးလူရွှင်တော်တွေအများကြီးစုစည်းပြီး အငြိမ့်ခွေတွေထုတ်ပေမဲ့ ပျက်လုံးကောင်းတွေ မဖန်တီးနိုင်၊ အပေးအယူ ခွင် ကောင်းတွေမဖန်တီးနိုင်တဲ့အတွက် ရယ်စရာ ဟာသကောင်းတွေ ကွယ်ပျောက်လို့နေပါပြီ။
ပြူးတူးပြဲတဲ လုပ်ပြရုံ၊ ကြောင်တိကြောင်တောင် လုပ်ပြရုံ ဘဲတတ်နိုင်တော့တဲ့ လူပျက်များအဆင့်သို့ လျှောကျလို့နေပါပြီ။ ပရိတ်သတ် ကို ရွှင်အောင် မြူးအောင် စွမ်းဆောင်နိုင်ပါမှ လူရွှင်တော်ဖြစ်မှာ လို့တွေးမိပါ
တယ်။
ပတ်ဝန်းကျင်ကိုလေ့လာရင် ကဘောက်တိ ကဘောက်ခြာ၊ ကမောက်ကမ အဖြစ်အပျက်တွေ တွေ့မှာပါ။ ဟာသညာဏ် အခံဓါတ် ရှိဘို့ဘဲလိုတယ်ထင်ပါတယ်။
စာတွေလဲများများ ဖတ်ဖို့ လိုမယ်ထင်တယ်။ ရှေးသဘင်စာ တွေကိုလည်း ကျက်မှတ်ထားဘို့လိုမယ်ထင်ပါတယ်။
စာသံပေသံနဲ့ ကျကျနန ပြောနိုင်သူတွေ နည်းပါးနေတယ် ထင်ပါတယ်။
ရုပ်ရှင် ဗီဒီယို တွေမှာလည်း လူရွှင်တော် ပါရင်ပြီးရော သဘောနဲ့ထဲ့ထားကြတော့၊ လူရွှင်တော်မှာ ရူးသလို
ပေါသလို ကြောင်တိကြောင်တောင် လုပ်ကွက်တွေနဲ့ဘဲ ပြီးရပါတယ်။
ဇာတ်လမ်းဇာတ်ကွက် ခိုင်ခိုင်မာမာ မဖန်တီးဘဲနဲ့ ဟာသကားတွေရိုက်တော့ မင်းသား၊ မင်းသမီးတွေမှာလည်း
ပေါတောတော ကြောင်တောင်တောင် ဖြစ်နေပါတယ်။ ရယ်စရာမကောင်းတော့ဘဲ ကြည့်ရင်းနဲ့ သူတို့အစား
ရှက်လာမိပါတယ်။
အခြေခံကတော့ ပင်ကိုဓါတ်ခံ ဟာသညာဏ် မရှိဘဲ၊ အပင်ပန်းခံမကြိုးစားဘဲ ပြီးစလွယ် လုပ်နေကြလို့ဖြစ်မှာပါ။
လူတန်းစားမရွေး ရယ်ရွှင်အောင် လုပ်ရတဲ့ ဟာသပညာ ဟာ လွယ်မယောင်နဲ့ခက်၊ တိမ်မယောင်နဲ့ နက်ပါတယ်။ ပေါ့ပေါ့တန်တန် သဘောထား ပြီးလုပ်ရင် ပေါတောတောဘဲ ထွက်လာမယ်။ အဆင့်အတန်းရှိတဲ့ ဟာသ တော့ ဖြစ်မလာနိုင်ဘူးလို့ ထင်မြင်မိပါတယ်။
Subscribe to:
Post Comments (Atom)
No comments:
Post a Comment